Zoram Today thudawn danin, vawiin hnatlang ah hian an branch YMA chhung atangin excutive committee member, section tina office bearers leh Kumpuan Sub-Committee te addict khawm rûnpui ah hian an thawkchhuak a. An man ang angte hi Home ah an dah nghal zel.

Vawiina Drugs addict an man te hi mi 53 zet niin, Bawngkawn veng mi 11 leh veng dang atangin mi 42 lai an man khawm a. An mi man te hi a then counselling te pe in an chhuah tir leh a, thenkhat chu Tawngtai Bethel Camping Center (TBCC), Sakawrtuichhun ah motor in an dah thla bawk.

Tunlaiin Bawngkawn veng chhungah damdawi ti an hluar thar hle niin YMA hruaitute chuan an sawi a. An veng then thianghlim hna an kalpui mekna ah; Traffic point pahnih inkar leh, Vishal Bazar bawr bakah Brigade veng pan pheina kawng hnaiah damdawi ti te hi an man ber niin YMA hruaitute hian an sawi . An hnatlang hi Bawngkawn Presbyterian Kohhran bialtu Pastor te, kohhran Upa te pawhin an telpui bawk.